Um Norðursiglingu

Norðursigling er fjölskyldufyrirtæki, stofnað á Húsavík árið 1995 og var fyrst hvalaskoðunarfyrirtækja á Íslandi til að bjóða upp á reglulegar hvalaskoðunarferðir. Frá upphafi hefur fyrirtækið vaxið jafnt og þétt, farþegum hefur fjölgað ört frá ári til árs og bátum hefur fjölgað úr einum í sex. Allir bátarnir eru gamlir, íslenskir eikarbátar. Auk hvalaskoðunar á  Norðursigling og rekur veitingastaðinn Gamla Bauk og kaffihúsið Skuld og því setur starfsemi Norðursiglingar mikinn svip á hafnarsvæði Húsavíkur.

Starfsfólk er að jafnaði um 15 manns yfir vetrartímann en talan fer allt upp í 100 manns yfir sumartímann.

Norðursigling hefur hlotið ýmsar viðurkenningar í gegnum árin og uppfyllir opinbera öryggisstaðla.