Hnísa
Lengd: 1,5–2 metrar.
Þyngd: 55–70 kíló.
Alheimsstofnstærð: Óþekkt.
Lífslíkur: Um 30 ár.
Hnísan er minnsta hvalategundin hér við land en afar algeng. Stofninn er líklega um 25–27.000 dýr. Hnísur fara oft saman í hópum þó svo að stundum megi rekast á stök dýr. Hnísur er helst að finna inni á fjörðum og flóum enda kunna þær best við sig á grunnsævi. Þá hafa hnísur sést í árósum.
Hnísan er tannhvalur eins og höfrungurinn en tilheyrir sérstakri ættkvísl.
Helsta fæða hnísunnar er ýmsir smáfiskar, síli, loðna og síld. Hún reynir stundum að næla sér í fisk sem fastur er í netum og geldur oft fyrir það með lífi sínu því talsvert er um það að hnísan festist í veiðarfærum og drepist.
Erfitt er að koma auga á þetta smáhveli. Oft sést litlum bakugga bregða fyrir örskotsstund en svo tekur hnísan á rás og er horfin eins og hendi sé veifað.
Í hvalaskoðunarferðum er algengt að sjá hnísuhópa fara með bægslagangi. Hóparnir forðast yfirleitt skip og báta þótt stundum nálgist þeir hvalaskoðunarbáta með litlu afkvæmin sín
Leit
Mynd
Fįnar
