Rita (Rissa tridactyla)

Lengd: 40 cm

Þyngd: 330-600 g

Vænghaf: 95-120 cm

Stofnstærð: 630.000 pör

Ritan er máfategund sem verpir í þéttum byggðum í sjávarbjörgum allt umhverfis Ísland. Hreiðrið sem ritan staðsetur á litlum syllum er gert úr mosa og sinu sem límt er saman með driti. Ritur eru miklir sjófuglar og fara minna inn á land en aðrir máfar. Þær lifa á ýmsum uppsjávarfiskum og brottkasti fiskibáta og er sandsíli mikilvægasta fæðutegundin. Utan varptíma heldur ritan sig úti á rúmsjó en kemur snemma árs aftur að landi.

Nokkrar ritubyggðir eru við Skjálfandaflóa, m.a. í Húsavíkurhöfða og í Saltvík sunnan Húsavíkur. Ritur eru því algengir fuglar á Skjálfanda.