Hettumáfur (Larus ridibundus)

Lengd: 37 cm

Þyngd: 270-370 g

Vænghaf: 100-110 cm

Stofnstærð: 25.000-30.000 pör

Hettumáfur er nýlegur varpfugl á Íslandi sem hóf að verpa í byrjun síðustu aldar. Hann er nú útbreiddur á láglendi um mest allt land. Kjörlendi hettumáfsins er votlendi og verpa fuglarnir margir saman í vörpum. Hann lifir mest á skordýrum en fer einnig í úrgang frá manninum.

Hettumáfurinn verpir á nokkrum stöðum við Skjálfandaflóa en fjöldi í einstökum vörpum hefur verið mismunandi milli ára. Hann er algengur á Húsavík og sést mikið á hafnarsvæðinu en minna úti á sjó.