Lífríki Skjálfanda

Siglingar um Skjálfandaflóa veita einstaka sýn á náttúru og lífríki flóans. Skjálfandi er löngum frægur fyrir gjöful fiskimið sem hafa ekki einungis aðdráttarafl fyrir mannfólkið heldur ekki síður önnur dýr. Stöku sinnum má sjá hvernig fiskar, hvalir og fuglar etja kappi við yfirborðið til þess að fá sína sneið af kökunni. 

Í ferðum Norðursiglingar eru það vissulega hvalirnir sem vekja mesta eftirvæntingu en fuglalífið kemur jafnan skemmtilega á óvart. Hvort tveggja helst í hendur við að skapa ógleymanlega upplifun um borð.