Fréttir Norðursiglingar

Þann 2 Desember bauð Norðursigling þeim starfsmönnum sem leggja það á sig að þreyja Þorrann og Góuna hér Norðanlands til árlegrar haustferðar.

 

Lagt var af stað frá höfuðstöðvum fyrirtækisins kl 08 föstudaginn 2. desember í stilltu og fallegu veðri með hæfilegan snjó á jörð og stefnan er sett á Siglufjörð til að byrja með.

 

Á leiðinni var pikkað upp fólk bæði á Akureyri og Dalvík en vel fyrir hádegi var komið í hlað á Síldarminjasafninu á Siglufirði þar sem Örlygur Kristfinnsson safnstjóri tók á móti okkur. Örlygur er hugmyndasmiðurinn að safninu og hefur unnið ötullega að uppbyggingunni alla tíð og tók hann að sér að leiðsegja hópnum þetta glæsilega safn og að sjálfsögðu fengu allir að smakka á síld og rúgbrauði.

 

Síðan lá leiðinn til Rauðku og þeirra glæsilegi húsakostur skoðaður. Stórhuga menn þar á ferð.

 

Í hádeginu var komið á Hótel Brimnes á Ólafsfirði og snæddur dýrindis plokkfiskur með meiru og þess má geta að það er aðallega í samvinnu við fólkið sem stendur að Hótel Brimnesi sem einn af bátum Norðursiglingar bauð upp á hvalaskoðun á liðnu sumri.

 

Eftir hádegið var farið yfir á Dalvík og bærinn skoðaður undir leiðsögn betri helmings Guðmundar smiðs, Helgu. Einnig var tekinn smá rúntur inn Svarfaðadalinn.

 

En nú lá leiðinn á Árskógssand og bjórverksmiðja Kalda skoðuð vandlega.

 

Akureyri var næsti áfangastaður og Keiluhöllinn heimsótt. Skipt var í lið og keppt í þeirri virðulegu íþrótt Keilu. Allir höfðu gott af þeirri hreyfingu og allir með góða matarlyst að lokinni keppni sem var eins gott því nú beið dýrindis jólahlaðborð á Icelandear Hótelinu.

 

Þar var síðan gist og haldið aftur til Húsavíkur eftir morgunmat með stuttri viðkomu í samgönguminjasafninu á Ystafelli í Kinn.

 

Það var ánægður hópur sem steig út úr rútunni á Húsavík eftir glæsilega, fróðlega,  eftirminnilega og skemmtilega ferð.

 

Ég ætla að leyfa mér fyrir hönd þeirra starfsmanna sem tóku þátt í þessari haust-aðventuferð að þakka forsvarsfólki Norðursiglingar fyrir þessa upplifun með ósk um gleðilega hátíð.

Hrólfur Þórhallsson.

 

Trítlað á Síldarminjasafnið

 

Örlygur fræðir

 

Aðalbygging safnsins

 

Örlygur

 

Rauðka á veitingastaðinn Hannse Boy

 

Nilli og Mái fá ekki afgreyðslu og er alveg sama

 

Starfsmaður Kalda kynnir starfssemi verksmiðjunar. menn hlusta vel

 

Þarna fer aðalblöndunin fram, Þórunn og Hrólfur spá í þetta

 

Það er vandi að velja sér kúlu við hæfi þegar leika skal Keilu

 

Hilla var í sigurliðinu

 

Nilli og Birna með pro tilþrif

 

Fylgst með stigagjöf

 

jólahlaðborð

 

jólahlaðborð

 

myndarlegar mæðgur