Fréttir Norðursiglingar

Nú þegar komið er fram í byrjun nóvember eru haustverkin vel á veg komin hjá starfsmönnum Norðursiglingar.

Verið er að ganga frá bátum fyrir veturinn og ditta að ýmsu um borð.

Tíðindamaður vefsíðunar var að skondrast í kringum bátana á dögunum og rakst þar á Stebba Gunn og Garðar sem voru að endurnýja hitakerfi í Náttfara og ditta að vélinni en utaná Náttfara lá skonnortan Hildur og þar voru Alli og Jói að gera Hildi klára til að sigla til Akureyrar þar sem hún mun hafa vetursetu.

Haukur var vel innpakkaður uppi í slipp og Garðar var einnig í slipp þar sem verið er að laga skrúfu og skipta út nöglum í skrokk en Garðar mun að því loknu fara aftur á flot og hvíla sig í höfninni.

Knörrin og Bjössi Sör lágu við flotbryggjuna og þar verður ditta að ýmsu um borð og er sú vinna þegar hafin þegar þetta er ritað.

Nokkrar myndir voru teknar af mönnum og bátum.

HÞ

Garðar og Stebbi

Nýtt hitakerfi

Hildur

Jói og Alli