Fréttir Norðursiglingar

Árshátíð Norðursiglingar var haldin kvöldið 17. Ágúst. Árshátíðin hófst að vanda með óvissuferð þar sem starfsmönnum var smalað upp í rútu og í þetta sinn var keyrt í austurátt. Eftir stutta ferð var komið í Sultir í Kelduhverfi þar sem árshátíðin fór fram í gamalli hlöðu. Þegar þangað var komið hófust sumir handa við að grilla kjötið og koma drykkjum á borðið á meðan aðrir fengu sér göngutúr til að virða fyrir sér svæðið. Síðan var sest að borðum og dýrindis matur borðaður. Auk þess voru skemmtiatriði sem vöktu mikla lukku. Þegar skemmtiatriðunum og matnum lauk var hlöðuball með hljómsveitinn S.O.S. fram á nótt. Þegar ballinu lauk keyrði rútan svo með fólkið aftur heim til Húsavíkur.

Hörður stappar stálinu í starfsmennina.

Komin í Sultir.

Fólk farið að koma sér fyrir.

S.O.S. mæta á svæðið.

Eldamennskan hafin.

Maturinn kominn á borðið og ekki eftir neinu að bíða.

Halla að útskýra leik fyrir Alla og Ísak orðinn stressaður.

Leikurinn vakti mikla lukku.

Ísak með örlítið marið egó en að öðru leyti í góðu skapi.

Bibbi, Heimir og Aggi taka undir í fjöldasöngnum.

Sumir þreyttari en aðrir á leiðinni til baka.