Fréttir Norðursiglingar

Langþráður dagur í sögu Norðursiglingar rann upp í dag þegar skonnortan Hildur sigldi inn í Húsavíkurhöfn. Eins og fram hefur komið á heimasíðunni undanfarnar vikur hefur Hildur verið í Danmörku síðan í september síðast liðinn og lagði úr höfn þaðan síðustu helgi. Bátar Norðursiglingar sigldu út í Skjálfandaflóa um átta leytið í morgun og fylgdu Hildi inn í höfn. Fjöldi fólks beið á bryggju eftir að fá að berja hana augum og er það mál manna að einstaklega vel hafi tekist til við breytingarnar.

Eftirfarandi myndir voru teknar við komuna í morgun.

ÞJ