Fréttir Norðursiglingar

Hildur hefur lagt frá bryggju í Danmörku þar sem hún hefur verið síðastliðna 10 mánuði, eða síðan í september á seinasta ári, er unnið var að því að gera hana upp sem skonnortu. Meginþorri vinnunnar fór fram í Egernsund, og var hún þar gerð sjófær í sínu nýja líki. Í maí var svo siglt hina stuttu leið til Flensborgar í Þýskalandi, þar sem siglingingahátíðin Rumregatta er haldin ár hvert, og var Hildur þar fyrst íslenskra skonnorta til að vera viðstödd. Það var þó án segla, þar eð töf hafði orðið á sendingunni á þeim. Að öðru leyti var Hildur nánast tilbúin, og stuttu eftir að seglin bárust var haldið í prufusiglingu sem talið var að gengið hefði mjög vel.

Því hófst siglingin meðfram austurströnd Danmerkur og heim á leið seinasta föstudag, þann 9. júlí. Í þessum skrifuðu orðum er því Hildur á leiðinni, og ef allt gengur sem skyldi er búist við að hún komi einhvern tímann í kringum þessa helgi. Hér fyrir neðan eru nokkrar myndir af Hildi frá upphafi ferðar og á leiðinni upp með Danmörku.

 

 

Hildi siglt út og nokkur seglanna komin upp.

 

 

Smám saman fjölgar þeim.

 

 

Séð aftan frá, augljóst að vindurinn togar í.

 

 

Öll segl komin upp.

 

 

Nokkrir úr áhöfninni.  Auðvelt að þekkja Rémy sem fremstur stendur á vígalegu hárinu og appelsínugulum stakknum. Framkvæmdastjórann sjálfan, Hörð, má sjá ef aftar er litið, með símann uppi.

 

 

Farið framhjá Kong Christian X's Bro í Sønderborg.

 

 

Hörður horfir á sólsetrið af dekkinu á Hildi.

 

 

Siglt á 9 hnúta ferð með öll segl uppi.

 

 

Með vindinn að baki og breitt úr seglum til beggja hliða.

 

 

Það er alveg hreint ótrúlegt að sjá muninn eftir alla þessa vinnu, en hér er sem sagt Hildur í sínu upprunalega formi, myndin tekin á leið út úr höfninni daginn sem lagt var af stað til Danmerkur!

 

VP