Fréttir Norðursiglingar

Verið er að endurnýja allt kjalfatt ofan sjólínu á Garðari. Þ.e það er verið að slá íann eins og Slipparar segja, en fyrir þá sem ekki skilja slipparamál þá er verið að hreinsa burt alla ull sem sett er á milli planka á tréskipum, til að gera þau þéttari.

Og síðan er ný ull sleginn eða troðið inn í staðinn, þetta er gert með þartilgerðum ísláttarverkfærum og stálmeitlum, þó eflaust hafi meitlarnir verið úr tré hér áður fyrr.

Þetta er gert samkvæmt kúnstarinnar reglum og eru nákvæm vísindi, það er Guðmundur skipasmiður frá Dalvík sem hefur umsjón með þessu, eins og raunar flestu öðru sem heyrir undir skipasmið í uppgerðinni á Farþegaskipinu Garðari sem stendur uppi í Húsavíkurslipp.

Við vorum á ferðinni á dögunum um borð í Garðari  og rákumst þá reyndar á annan völundarsmið inní brú, þar var á ferðinni Stefán Traustason Trésmíðameistari frá Akureyri, hann var þar á hnjánum við að smíða gólf í brúna.

Nú við smelltum auðvitað myndum af ísláttargenginu og gólfsmiðnum en af honum náðist ekki andlitsmynd í þetta skiptið þar sem maðurinn var mjög svo önnum kafinn við gólfsmíðina og ekki vert að vera að ónáða hann fyrir fyrirsætustörf.

HÞ

Guðmundur skipasmiður að slá í 

Og Jónas líka 

Siggi og Geirfinnur eru á stjórnborða 

Baksvipurinn á Sigga Hákonar 

Stefán Traustason mundar skrúfvélina 

Hið nýja brúargólf