Fréttir Norðursiglingar

 

 

Þann 31. mars fór farþegaskipið Garðar, sem Starfsmenn Norðursiglingar hafa verið að gera upp og breyta, upp í Húsavíkurslipp í fyrsta skipti.

Slipptakan gekk mjög vel, en langt er síðan svo stórt skip hefur sést uppi í slippnum, veður var ekki með hagstæðasta móti þ.e norðanátt og éljagangur.

Allt var vel undirbúið og til frekara öryggis var öðrum bát Norðursiglingar, Bjössa Sör, lagt við ankeri skammt framan við slippinn og höfð taug úr honum til að halda við Garðar meðan verið var að stilla hann af í slippsleðan og reyndist það vel.

Garðar mun verða nokkrar vikur í slipp, en menn voru á einu máli um að botninn liti vel út við fyrstu sýn, byrjað verður á að hreinsa botninn vel með háþrýstidælum svo verður hann þéttur ef þarf, og loks botnmálaður, einnig verða botnstykki skoðuð og hugað að stýrisbúnaði og eflaust ótal margt annað.

Það mun koma fólk frá Siglingastofnum og framkvæma skoðun á skrokknum og gefa út álit með tilliti til öryggis og haffæris þessa stærsta trébáts sem verður í notkun á Íslandi.

Við vorum á vappi með myndavélina þegar slipptakan fór fram og hér koma nokkur sýnishorn.

HÞ

 

Allt að verða klárt 

  

Vélstjórarnir mættir,feðgarnir Hörður og Anton 

 

Og skipperinn Einar Magnússon 

 

Og hann sígur frá bryggjunni 

 

Áleiðis í slippinn 

 

Bjössi Sör er tilbúinn að aðstoða Garðar í baksýn 

 

Hér má sjá taug á milli bátanna 

 

Óli stjórnar spilinu af festu ! og Alli á hliðarlínunni 

 

Kafarinn Heimir kemur upp úr kafinu og segir að það þurfi aðeins að rétta hann af 

 

Og það er gert 

 

Og upp skríður hann  

 

Kominn á pláss...eins og slipparar segja ! 

 

Þetta lítur allt vel út og við getum farið í Páskafrí !