Fréttir Norðursiglingar

Hildur lagði úr höfn á Húsavík mán. 31. ágúst sl. og er nú á siglingu undan suður strönd Noregs og áætlar að vera komin um hádegi á morgun til Skagen. Ferðin hefur gengið vel í alla staði og báturinn reynst vel og á það reyndi því þeir hrepptu vont veður milli Færeyja og Hjaltlandseyja.
Vegna stormviðvörunar á Norðursjó, töfðust þeir í rúman sólarhring í Leirvík á Hjaltlandseyjum.
 
Í áhöfn eru Einar Ó. Magnússon skipstjóri, Gísli Arnar Guðmundsson vélstjóri, Heimir Harðarson stýrimaður og Hilmar Valur Gunnarsson kokkur/háseti.
Í Færeyjum fengu þeir félagar góðar móttökur þar sem Guðvarður Jónsson tók á móti þeim og má sjá frétt um það hér.
 
Meðfylgjandi eru nokkrar myndir sem teknar voru við brottförina frá Húsavík á mánudaginn var.
 

Norðursiglingarflotinn - f.v. Knörrinn, Bjössi Sör, Náttfari, Haukur og Hildur (á myndina vantar Garðar)

Skonnortan Haukur og tilvonandi skonnortan Hildur 

Hjónin Hildur og Bjössi Sör við bátshlið

Áhöfnin - f.v. Einar, Gísli, Himmi og Heimir

Hildur siglir úr höfn á Húsavík