Fréttir Norðursiglingar

Hinir árlegu sænsku dagar og mærudagar fóru fram síðast liðna viku með glæsibrag. Þrátt fyrir slæma veðurspá á tímabili setti veðrið sem betur fer ekki strik í reikninginn ef undanskilinn er ansi votur og vindasamur fimmtudagur sem varð til þess að Norður-Sigling þurfti að aflýsa árlegri landnámssiglingu í Náttfaravíkur. Að öðru leyti hékk hann að mestu þurr og jafnvel sást til sólar annað slagið. 

Mannmergð fyir utan Gamla Bauk

Eins og síðustu ár fór mikill hluti hátíðarinnar fram fyrir neðan bakka og iðaði hafnarsvæðið af mannlífi. Tónlistarviðburðir voru hvern einasta dag á Gamla Bauk frá mánudegi til sunnudags og var aðsóknin með eindæmum góð og máttu oft sáttir þröngt sitja.

Gamli Baukur og Norður-Sigling þakka öllum þeim fjölmörgu sem mættu á svæðið fyrir skemmtilega viku.

ÞJ

Hundur í óskilum var ein þeirra hljómsveita sem fyllti sal Skipasmíðastöðvarinnar á Sænskum dögum

Húsvíska hljómsveitin SOS lék fyrir dansi á fösudagskvöldið og var varla lófastór blettur auður á dansgólfinu.

Fiðlusnillingur Hjörleifur Vals hélt tónleika á sunnudag og aðsóknin var slík að margir

þurftu að njóta þeirra utandyra. Veðrið var sem betur fer í ágætu skapi þá.