Fréttir Norðursiglingar

Samstarf Norður-Siglingar og Slippstöðvarinnar á Akureyri hefur verið gott í gegnum árin og hefur verið vel tekið á móti bátum Norður-Siglingar frá upphafi rekstrar. Á hvítasunnudag sótti Slippurinn svo Norður-Siglingu heim og sigldu um borð í Náttfara til Flateyjar. Ferðin var farin í samstarfi við Gamla Bauk sem sá um grillmat fyrir hópinn þegar í eyjuna var komið.

Blíðskaparveður var þennan dag og heppnaðist ferðin  með eindæmum vel. Á leiðinni út sást höfrungahópur sem vakti mikla lukku farþega.

Ferðir sem þessar eru tilvaldar fyrir fyrirtækjahópa en heimsóknir í Flatey valda sjaldan vonbrigðum og ekki spillir fyrir að geta gætt sér á gómsætum grillmat frá Bauknum.

Eftirfarandi myndir lýsa auðvitað miklu betur stemningunni á hvítasunnudag.

ÞJ

Höfrungur leikur sér við stefni Náttfara 

Kiddi kokkur grillaði ofan í hópinn

Það er ekki amalegt að borða við borðstokkinn og virða

fyrir sér útsýnið

Flatey á Skjálfanda