Fréttir Norðursiglingar

Laugardaginn 9. ágúst var skonnortan Haukur „heiðursgestur af hafi“ á Fiskideginum mikla  á Dalvík. Haukur lág við brygggju á hátíðarsvæðinu var gestum boðið að koma um borð og skoða skipið og má segja að það hafi verið stöðugur straumur fólks frá kl. 11-16. Það voru ekki síst börnin sem höfðu gaman af að skoða hvern krók og kima skonnortunnar en þeir fullorðnu sýndu einnig mikinn áhuga á að taka út eina hefðbundna seglskip Íslendinga.

 

Haukur við hafnargarðinn á Dalvík en það var mikill heiður fyrir Haukinn að vera
heiðursgestur af hafi á Fiskideginum mikla 2008.

Hér má lesa meira um Fiskidaginn mikla: http://fiskidagur.muna.is/

Norður-Sigling vill þakka skipuleggjendum hátíðarinnar fyrir skemmtilegan dag og vonandi verður þetta ekki síðasta skiptið sem skonnortan Haukur sækir Dalvík heim.

ÞH