Fréttir Norðursiglingar

Í fyrradag urður farþegar sem fóru í hvalaskoðunarferð með Bjössa Sör og skonnortunni Hauk vitni að ótrúlegri sýningu frá allt af því ofvirkum Hnúfubak. Hvalurinn stökk stanslaust í þrjá klukkutíma rétt við hlið bátanna. Hnúfubakarnir hafa verið ótrúlega líflegir og skemmtilegir í sumar og hafa stokkið
af og til, en ekkert í líkingu við þennan. Þessi sýning minnti áhafnir bátanna á Hnúfubakinn sem stökk rúmlega 300 sinnum fyrir tveimur árum.

Það er erfitt að lýsa þeirri tilfinningu að sjá 30 tonna dýr fljúgandi í loftinu og fyrir flesta er þetta upplifun sem þeir verða aðeins vitni að einu sinni á ævinni. Nú er bara að vona að Hnúfubakarnir, sem og aðrir hvalir flóans haldi áfram að vera skemmtilegir og líflegir það sem eftir er sumars.

Meðfylgjandi myndir eru útkoma pólsk/íslenkrar samvinnu þar sem vélstjórinn Tomasz tók myndirnar á myndavél Einars skipstjóra.

Himmi