Fréttir Norðursiglingar

Það verður mikið um að vera á Húsavíkurhátíð á Gamla Bauk en hátiðin byrjaði formlega í gær með opnun Sænskra daga. Auk hefðbundinnar opnunnar verður mikið um dýrðir næstu daga, tónlist hverskonar í Skipasmíðastöðinni og að sjálfsögðu opið út á pall. Síðustu ár hefur Baukurinn iðað af mannlífi á Húsavíkurhátiðinni, pallurinn fullur af fólki og góð stemning á hafnarsvæðinu.

Í kvöld, þriðjudagskvöld, spilar trúbadúrinn PG Sjöberg í Skipasmíðastöðinni. Það er sjálfsögðu mjög viðeigandi að hafa sænskan trúbadúr á Sænskum dögum og því er mjög heppilegt að Sjöberg er einmitt sænskur.

SOS í rosalegum stemmara

Föstudaginn 25. spila Stebbi og strákarnir fyrir dansi. SOS hafa getið sér einkar gott orð fyrir gríðarhresst ballprógram og spilagleði og búist er við því að þeir toppi sig um helgina. Skyldumæting!

Diskókóngarnir The Hefners

Laugardaginn 26. spilar önnur húsvísk stórsveit í Skipó. Diskóboltarnir í The Hefners stíga þá á stokk og flytja diskódanstónlist ásamt diskódrottingunni Wave Stone. Um upphitun sjá DJ. Try og DJ. Palmieri. Dans, meik og fá sér!

Barry G með diskókjuðana og grúppíur í baksýn

Vert er að taka það fram að frítt er inn á alla viðburði á Gamla Bauk meðan á Húsavíkurhátíð stendur.