Fréttir Norðursiglingar

Áhöfnin á Bjössa Sör fann núna fyrir hálftíma síðan tvær Steypireyðar hér í flóanum. Önnur þeirra er gríðarlega stór, lengri en 20 metrar, og gekk mjög vel að nálgast dýrin.

Þetta er í annað skiptið sem þessi stærstu dýr veraldar heiðra okkur með nærveru sinni hér í flóanum á þessu tímabili.

Næstu ferðir eru núna kl. 17:00 í dag og svo kvöldferðin kl. 20:15. Vonandi stoppa þessir risar í einhvern tíma hjá okkur og ef svo er þá reynum við að ná af þeim myndum og setja hér inn um leið og þær berast.

Steypireyðarnar sáust bæði í ferðinni sem farin var kl. 5 og einnig nú í kvöldferðinni. Meðfylgjandi myndir voru teknar í ferðinni sem farin var á Bjössa Sör kl. 5 í dag.