Fréttir Norðursiglingar

Nú í kvöld sást í fyrsta skipti í nokkrar vikur til hnúfubaks í flóanum. Í sól og blíðu vestur við Kinnarfjöllin nutu farþegar Bjössa Sör stórkostlegrar sýningar þessa vinsæla hvals. Hnúfubakurinn sýndi mikil tilþrif með sporðaköstum og endaði svo sýninguna eftir uppklapp með því að stökkva tvisvar sinnum rétt við síðu bátsins. Vonum við að framhald verði á heimsóknum hans en einnig hefur verið að lifna yfir lífríkinu að öðru leyti nú síðustu daga. HH