Fréttir Norðursiglingar

Nú í dag var í sól og blíðu undirritaður samningur milli Norður-Siglingar Ehf. og Hótels Húsavíkur Ehf. um veitingarekstur á Gamla Bauk. Eigendur Norður-Siglingar telja sérstaka ástæðu til að fagna þessu nýja samstarfi því með því er komið upp það mynstur í veitingarekstri Gamla Bauks er eigendur félagsins lögðu upp með fyrir rúmum fimm árum, þegar Hótel Húsavík sá um veitingar á Gamla Bauk. Hinir nýju rekstraraðilar eru Norður-Siglingu að góðu kunnir því gott samstarf hefur verið með þeim frá því þeir tóku við rekstri Fosshótels Húsavíkur. Um helgina verður sleginn gamalkunnur tónn í starfseminni þar sem boðið verður upp á lifandi tónlist og opnunartíma fram á nótt. Húsvíkingar sem og aðrir ávallt velkomnir. HH



Hörður Þórhallsson, Fosshótel Húsavík og Hörður Sigurbjarnarson eftir undirritun samningsins.


Þórhallur Harðarson og Sigríður Þórdís Einarsdóttir við undirritun.


Gamli Baukur í sól og blíðu eftir undirritun.