Fréttir Norðursiglingar

Í kjölfar vel heppnaðrar markaðssamvinnu í Færeyjum á haustdögum var ákveðið að hinir sömu víkingar, þ.e. Haraldur frá MarkHús og Heimir frá Norður-Siglingu yrðu sendir vestur um haf til að kynna Icelandair undur Þingeyjarsýsla. Síðar slóst svo Bergþór Erlingsson frá SBA-Norðurleið í hópinn.

Móttökur Icelandair voru til fyrirmyndar en Deirdre Gibbons var potturinn og pannan í því að skipuleggja 4 fundi þannig að ná mætti til sem flestra innan höfuðstöðvanna sem staðsettar eru í Baltimore nálægt höfuðborginni Washington.
Góður rómur var gerður að kynningu þremenningana og fannst símasölufólkinu vestra mikils virði að fá upplýsingar frá heimamönnum og að geta spurt spurninga sem höfðu sumar lengi brunnið á vörum margra þar innan húss.

Daginn eftir Icelandairfundinn góða var skundað til Nýju Jórvíkur þar sem Ferðamálaráðsmennirnir þeir Einar Gústavsson og Pétur Ómar Ágústsson voru heimsóttir.



Heimir lætur móðan mása...


...og Haraldur ekki síður.