Fréttir Norðursiglingar

Þessa dagana er unnið að dýpkun hafnarinnar og þá sérstaklega við flotbryggju þá er Norður-Sigling hefur afnot af yfir sumartímann.
Dýpkunin var orðin mjög aðkallandi en tæpt var á því að bátar félagsins flytu við bryggjuna á fjöru.
Ef ekkert hefði verið að gert hefði stefnt í að hvalaskoðunaráætlun félagsins hefði þurft að vera sett upp með flóðatöflur til hliðsjónar, en sem betur fór var gripið í taumana áður en það varð að veruleika.

Umrædd flotbryggja var sett upp sumarið 1999 að hluta til vegna aukinna umsvifa Norður-Siglingar í farþegaflutningum. Síðan þá hafa tæplega 100 þúsund farþegar Norður-Siglingar fengið að njóta þessarar góðu aðstöðu sem er til fyrirmyndar.
Á veturna nýta trillukarlar sér bryggjuna en þægindi og vinsældir slíkra mannvirkja almennt, skýrast af góðu aðgengi þar sem bátarnir liggja alltaf jafn hátt við kajann.

HH



Dýpkunargræjur við flotbryggjuna


Flotbryggjan á fallegum sumarmorgni.