Fréttir Norðursiglingar

Nú á dögunum var Knerrinum siglt til Akureyrar þar sem hann var tekinn í slipp þar sem ekki var pláss í Húsavíkurslipp. Þar hafa farið fram endurbætur á aðstöðu farþega og áhafnar.

Í kjölfar vélarupptektar í vetur var skrúfubúnaði bátsins breytt nokkuð til að nýta betur afl og olíu, en sem kunnugt er eru bátar Norður-Siglingar keyrðir á litlu afli í nafni umhverfisverndar, öllum til hagsbóta.

Það er ljóst að gamli góði Knörrinn kemur sterkur til leiks í vor á sinni 10. vertíð í hvalaskoðun hjá Norður-Siglingu en 42. vertíð úti fyrir norðurlandi.

HH



Kinnarfjöllin blasa við á siglingunni frá Húsavík til Akureyrar en hún tók tæpar 8 klst.


Skrúfu- og stýrisbúnaður bátsins eftir gagngerar endurbætur.


Knörrinn rennur niður í sleðanum.