Fréttir Norðursiglingar

Sendiherra Svía á Íslandi, Bertil Jobeus og kona hans Marie Louise voru í heimsókn á Húsavík í dag. Þau kynntu sér m.a. ferðaþjónustu á svæðinu, heimsóttu Safnahúsið og Hvalasafnið auk þess að borða hádegismat á Gamla Bauk í boði bæjarráðs.

Að loknum hádegisverði sigldu þau svo í kjölfar landa sinna þeirra Garðars Svavarssonar og Náttfara yfir flóann og að Náttfaravíkum. Í ár eru einmitt 1134 ár síðan Garðar hafði hér vetursetu og byggði hér hús það er víkin dregur nafn sitt af. Náttfari varð sem kunnugt er viðskila við skip Garðars og varð eftir ásamt þræl og ambátt og tók land vestan flóans í Náttfaravíkum.

Það var aldursforseti Íslenska hvalaskoðunarflotans, Knörrinn, sem sigldi með hjónin ásamt fulltrúm frá bænum og Markaðsráði Húsavíkur. Bertil og Marie Louise voru hæstánægð með heimsóknina og munu sjálfsagt bera út boðskapinn að smjör drjúpi hér af hvurju strái líkt og landi þeirra Garðar ku hafa gert er hann snéri til Svíþjóðar árið 871 og sagði drýgindalegar sögur af "Garðarshólma".

HH



Sendiherrahjónin koma hér að landi eftir fyrstu sjóferð sumarsins hjá Norður-Siglingu.


Áhöfn Knarrarins, ásamt þeim Jobeus hjónum og Burgmeister Reinhard.