Fréttir Norðursiglingar

Næstkomandi laugardag eru fyrirhugaðar tvær hvalaskoðunarferðir í samstarfi við Mýflug og verður þá flogið frá Húsavíkurflugvelli og leitað að hvölum á Skjálfanda og utan hans. Einnig verður flogið yfir Grímsey og þar með norður fyrir heimsskautsbaug og fá farþegar skjal sem staðfestir að þeir hafi náð því markmiði.

Mikið hefur verið um stórhveli í flóanum og ekki síst utan hans og er það einstök upplifun að skoða þessa risa úr lofti og er þetta því alveg gerólíkt hinni hefðbundnu hvalaskoðun.

Brottfarir verða kl. 18:00 og 19:30 frá Húsavíkurflugvelli (Aðaldal). Verð er ISK 9.800 á manninn. Bókanir og upplýsingar fást í síma 464 2350.



Hér sjást tvær steypireyðar á sveimi umhverfis Haukinn (áður en honum var breytt í seglskútu) árið 1997. Til samanburðar er báturinn 16 metra langur.


Vél sú sem flogið verður á: Piper Chieftain tveggja hreifla og 10 sæta.