Fréttir Norðursiglingar

Dagurinn í gær var sá annasamasti í hvalnum í sumar en hátt í fimm hundruð farþegar sigldu með Norður-Siglingu í 9 ferðum þar sem steypireyðar og hnúfubakar léku aðalhlutverkin en hrefnur og höfrungar voru í aukahlutverkum.

Reyndar var svo mikið að gera á tímabili, þegar gestir farþegaskips fjölmenntu í hvalaskoðun, að um 50 manns þurftu frá að hverfa.

Sjaldnast er þó svo mikið að gera að gestir félagsins þurfi að snúa sér annað til að svala hvalalosta sínum og biðjum við fólk velvirðingar á óþægindum sem kunna að hafa skapast vegna þessa.



Bátar Norður-Siglingar að leggja af stað einn af öðrum.


Bátarnir 4 geta tekið allt að 230 farþegum og hafa þeir allir tilskilin farþegaleyfi.