Fréttir Norðursiglingar

Nú síðdegis barst Norður-Siglingu hjálparbeiðni um að aðstoða rækjubát er fengið hafði trollið í skrúfuna austur af Flatey á Skjálfanda. Knörrinn var tiltækur í landi auk dráttarklárrar áhafnar og eftir að taug hafði verið sett um borð var siglt af stað og sem leið lá 11 mílur út að bátnum. Vel tókst að koma taug milli bátanna og sóttist drátturinn vel. Kópnesið er um 200 tonna togbátur frá Hólmavík en Knörrinn aftur á móti 20 tonna hvalaskoðunarbátur frá Húsavík.

Þrátt fyrir mikinn stærðarmun gekk vel að draga skipið og var það komið að bryggju á Húsavík um kl. 23 í kvöld. Knörrinn man nú tímana tvenna enda á sinni 10. vertíð í hvalabransanum en átti þar á undan rúmlega 3 farsæla áratugi sem fiskibátur. Hér sést Kópnesið í drætti.



Knörrinn man nú tímana tvenna enda á sinni 10. vertíð í hvalabransanum en átti þar á undan rúmlega 3 farsæla áratugi sem fiskibátur. Hér sést Kópnesið í drætti.


Þegar komið var innundir höfn var Kópnesið tekið utan á Knörrinn ef svo má segja og þannig komið að bryggju.