Fréttir Norðursiglingar

Veðrið á Húsavík hefur leikið við hvurn sinn fingur í dag og reyndar síðustu daga og virðist Íslendingum í hvalaskoðun fjölga ekki bara dag frá degi nú þegar líður að háannatíma, heldur líka ár frá ári.

Á verbúðarþakinu þar sem Norður-Sigling hefur aðstöðu sína er jafnan margt um manninn þessa dagana og á dögum sem þessum detta ísarnir ofan í landann sem og aðkomna.

Íslendingar hafa verið duglegir að koma í hvalaskoðun með Norður-Siglingu og kemur það flestum á óvart hversu ódýrt það er að sigla með félaginu því börn undir 14 ferðast jú alveg frítt og 15 og 16 ára unglingar greiða aðeins hálft gjald.

HH



Útsýni yfir höfnina.


Góð aðstaða er til að njóta nestis og jú auðvitað lífsins sjálfs fyrir utan "Vita" Norður-Siglingar.


Þessir hressu Þjóðverjar voru nýkomnir úr hvalaskoðun á Hauknum og létu vel af túrnum.