Fréttir Norðursiglingar

Á dögunum hélt Norður-Sigling árshátíð sína og var hún með fremur óhefðbundnu sniði eins og undanfarin ár.

Að þessu sinni var farið í óvissuferð upp í Mývatnssveit þar sem öllum var boðið að dýfa tánum í nýju jarðböð Mývetninga. Endurnærðum og tandurhreinum var öllum saman safnað í grillveislu í heimahúsi í þorpinu í Reykjahlíð. Þar biðu svignandi veisluborð, grillaður skötuselur og lambakjöt.

Eftir vel heppnaða garðveislu á þessu fallega sumarkvöldi í Mývatnssveit héldu Norður-Siglingar-menn sælir og glaðir aftur heim til Húsavíkur.



Óvissan eyddist smám saman um hvað væri á döfunni þegar rútan nálgaðist jarðböðin í Mývatnssveit.


Hluti starfsmanna Norður-Siglingar í anddyrinu í Jarðböðunum að baði loknu.


Norður-Sigling bauð starfsmönnum hvlasafnsins á Húsavík með í óvissuna og voru þeir að vonum ánægðir með heimsóknina í Jarðböðin.


Hér logar glatt í grillinu hjá framkvæmdarstjóranum, Herði...


...sem sá um að grilla fyrir mannskapinn.


Skötuselurinn og lambið góða runnu ljúflega niður í veðurblíðunni og sátu gestir saman við glaum og gleði fram á kvöld.