Fréttir Norðursiglingar

Í sumar hefur Norður- Sigling skipulagt og farið í all nokkrar sjóstangveiðiferðir. Slíkar ferðir eru ekki á áætlun hjá fyrirtækinu en Norður-Sigling býður upp á þennan kost fyrir hópa. Allur búnaður er um borð og þar er einnig möguleiki á að elda aflann eða fá hann tilreiddann á veitingastaðnum Gamla Bauk (www.gamlibaukur.is). Fiskimið Skjálfanda hafa löngum verið rómuð og algengustu fisktegundirnar sem fást á sjóstöng eru ýsa og þorskur. Meðfylgjandi myndir voru teknar á dögunum þegar Norður-Siglingarfjölskyldan skellti sér á skonnortunni Hauk til að renna fyrir fisk.



Haukur er dæmigerður fyrir skonnortur Norðurlands í lok 19. aldar.


Þórunn bíður þolinmóð eftir að bitið verði á...


...á meðan er Hildur búin að landa tveimur.


...og Hörður dregur inn fleiri.


Skömmu síðar var allt orðið fullt af fiski.


Búið að flaka og fiskurinn tilbúinn á grillið... og restin í frystinn!