Fréttir Norðursiglingar

Á dögunum sigldu efri deildir Borgarhólsskóla með Norður-Siglingu vestur yfir Skjalfandaflóa þar sem tekið var land í Naustavík.

Siglt var á tveimur bátum, Náttfara og skonnortunni Hauk. Unglingarnir og fylgimenn voru svo ferjuð á gúmmíbátum yfir í Naustavík þar sem gengið var upp að húsinu sem þar stendur.

Á heimleiðinni voru dregin upp segl á skútunni og boðið upp á kakó og snúða. Höfðu börnin gaman af að spreyta sig á seglunum og ljóst er að þess konar reynslu er hvergi annars staðar í boðið á Íslandi.

Þess má geta að sama morgun sótti Valsárskóli frá Svalbarðseyri einnig Norður-Siglingu heim og sáust í þeirri ferð tvær hrefnur ekki langt frá Naustavík.

Norður-Sigling þakkar Borgarhólsskóla ánægjulega heimsókn og vonum við að eins vel takist að ári.

Myndir frá ferðinni.



Náttfari við bryggju fyrir brottför.


Skonnortan Haukur sömuleiðis.


Haukur nálgast Naustavík.


Eftirvænting í mannskapnum.


Ferjað af Náttfara.


Og lent var á Hleininni í Naustavík.