Fréttir Norðursiglingar

Dagana 13. - 15. sept. stóð yfir í Laugardalshöll hin árlega Vestnorden ferðakaupstefna. Það eru ferðamálaráð Íslands, Grænlands og Færeyja sem standa að kaupstefnunni og er hún nú haldin í 19. skiptið.

Á kaupstefnunni er ferðaheildsölum og ferðaþjónustuaðilum gefinn kostur á að hittast á stuttum fyrirfram skipulögðum fundum og ræða viðskipti. Nánar er hægt að lesa um Vestnorden á slóðinni www.vestnorden2004.is.

Að þessu sinni voru um 230 aðilar sem tóku þátt og að mati skipuleggjenda tókst sýningin mjög vel. Þetta er í 10. skiptið sem Norður-Sigling tekur þátt í Vestnorden og erum við mjög ánægð með árangurinn.

Myndirnar eru frá sýningarbás Norður-Siglingar en Hvalasafnið á Húsavík og veitingastaðurinn Gamli Baukur voru einnig með Norður-Siglingu á bás.



Hörður, Norður-Siglingu, og Þórhallur frá Gamla Bauk önnum kafnir.


Heildarútlit sýningarbáss Norður-Siglingar.


Ásbjörn frá Hvalasafninu og Hörður.


Hörður og Þórunn




Koparviti og síldartunna skreyttu básinn.