Fréttir Norðursiglingar

Þó nokkuð langt sé liðið frá því að síðasta hvalaskoðunarferð vertíðarinnar var farin, hafa starfsmenn Norður-Siglinar haft í nógu að snúast.
Á fyrsta degi nóvember mánaðar er veður gott á Húsavík, 7 stiga hiti og hægur sunnanvindur. Það var því tilvalið að nota daginn í viðhald á Gamla Bauk og voru það þeir Sigurbjörn Sör og Hreiðar og Skarphéðinn Olgeirssynir sem báru ilmandi gæðaolíur á rekaviðarklædda veggi húsanna.

Á undanförnum vikum hefur verið unnið að því að ganga frá bátum Norður-Siglingar fyrir veturinn en þeir munu liggja í Húsavíkurhöfn að mestu fram á vor. Þá liggur fyrir að haldið verður áfram með breytingar á nýjasta fleyi félagsins, Bjössa Sör, og m.a. mun fiskilestin verða innréttuð sem káeta nú í vetur.

Myndirnar hér að neðan voru teknar við áburðarstörf í dag.



Skipasmíðastöðin og Gamli Baukur


Skarphéðinn og Hreiðar við stillansa upp við Gamla Bauk


Hreiðar og Sigurbjörn Sör við Skipasmíðastöðina






Bátar Norður-Siglingar liggja 4 saman í höfninni á móts við Gamla Bauk