Fréttir Norðursiglingar

Norður-Sigling keypti hið sögufræga hús sem byggt er í bakkanum á Húsavík árið 1997 þá ekki síst með það fyrir augum að gera húsið upp og tryggja því áframhaldandi líf. Hallandi er byggður um 1907 eða á sama tíma og Húsavíkurkirkja. Í húsinu hefur verið margvísleg starfsemi svo sem korngeymsla vegna nálægðar við uppskipun fyrri tíma áður en hafnarmannvirki risu á Húsaívk. Þar var og kenndur dans og að síðustu hefur húsið þjónað og þjónar enn sem íbúðarhús.

Í húsinu var fyrsta skrifstofa Norður-siglingar til húsa í nokkur ár ásamt birgðageymslu, lager og starfsmannaaðstöðu. Húsið er fyrir margar sakir merkilegt en þekktast er það fyrir það að upp í kjallarann neðan frá eru 13 þrep og niður á háaloftið ofanfrá eru 3 þrep. Sagan segir að húsið sé bundið þungu ankeri sem grafið er upp í bakkanum og ekki þarf nema vitnanna við til að finna það að húsið hallar í raun nokkrar gráður.

Nú í sumar hófst svo viðgerð hússins sem er gagnger þar sem komið er í veg fyrir firningu í húsinu. Skipt var um þakið, alla glugga og einnig bárujárn og innviði þar sem þess þurfti við. Nú er svo unnið að vinnu í kjallara við að einangra loft og útveggi ofl.

Á komandi árum stendur svo til að taka húsið í gegn að innan en starfsmenn og eigendur búa nú í þessu sögufræga húsi.

HH



Farið var a sjá nokkuð á hinu aldargamla húsi.


Við viðgerð og breytingar var leitast við að halda upphaflegu útliti sem mest en einnig að gera það sem byggilegast fyrir komandi kynslóðir.


Þessa dagana er unnið í kjallaranum.


Ófáar myndir hafa verið teknar og málaðar af þessari torfu en þarna má fyrir utan Hallanda sjá m.a. Móberg og Hliðskjálf en öll eru þessi hús byggð um og eftir þarsíðustu aldamót.