Fréttir Norðursiglingar

Þann 1. mars n.k. mun Kristrún Anna Konráðsdóttir taka við stöðu Sölu og Markaðsstjóra hjá Norður-Siglingu. Tekur Kristrún við markaðstjórastarfinu af Heimi Harðarsyni, einum eigenda Norður-Siglingar en hann er nú við nám í Danmörku og verður næstu árin.

Það er mikill fengur fyrir Norður-Siglingu að Kristrún gangi til liðs við félagið sökum víðtækrar reynslu hennar og menntunar. Kristrún tók Stúdentspróf frá Kvennaskólanum í Reykjavík 1997 og útskrifaðist svo með B.Sc gráðu í rekstrarfræði með áherslu á markaðsfræði og ferðaþjónustu frá Háskólanum á Akureyri.

Fyrstu árin eftir nám starfaði Kristrún fyrir Ferðamálaráð og varð síðar verkefnastjóri hjá Ferðamálasetri Íslands. Snemma árs 2002 lá leiðin til Lundúna þar sem hún vann sem sölufulltrúi hjá einum stærsta ferðaheildsala á Íslandsferðum, Discover the World. Síðustu tvö árin starfaði hún svo sem Markaðs- og almannatengslafulltrúi hjá sama fyrirtæki.

Við bjóðum Kristrúnu hjartanlega velkomna til Húsavíkur.



Kristrún Anna Konráðsdóttir