Fréttir Norðursiglingar

Sjómannadagurinn er haldinn hátíðlegur á Húsavík sem og öðrum sjávarplássum á Íslandi. Hluti af dagskrá dagsins hefur lengi verið að skemmtisigling er farinn um Skjálfandaflóa með þá sem vilja, en reyndar yfirleitt á laugardeginum, þar sem mest af skipulagðri dagskrá fer fram.

Í ár eru 100 ár liðin frá komu fyrsta mótorbátsins til Húsavíkur og því voru óvenju margir bátar sem sigldu að þessu sinni. Norður-Siglingarbátarnir eru vinsælir meðal bæjarbúa og sigldu um 120 manns með Náttfara og Bjössa Sör, en Knörrinn var upptekinn í hefðbundinni hvalaskoðun og Haukur er bundinn við bryggju þar sem unnið er að því að gera hann kláran fyrir sumarið.

Norður-Sigling óskar sjómönnum á Húsavík og um land allt til hamingju með daginn.

HH



Björg Jónsdóttir, flaggskip húsvíska flotans á fullri ferð norður.


Náttfari með glaða gesti á sjómannadagssiglingu. Meðlimir Björgunarsveitarinnar Garðars fylgast með.