Fréttir Norðursiglingar

Hin árlega Hvalahátíð var haldin á Húsavík um helgina. Samanstóð dagskráin af ýmsum uppákomum en á föstudeginum stóð Hvalasafnsfólkið fyrir því að gera hval úr sandi í Suðurfjöru. Hvalurinn er í hlutföllum stærstu Steypireyðar sem vitað er um eða um 33 metrar á lengd og um 190 tonn.

Eflaust má hinsvegar ætla að þetta sé heimsins stærsta "sandreyður" ef út í það er farið, en Sandreyðar verða öllu jafna ekki lengri en 20 metrar og vega þá um 30 tonn.

HH



"Sandsteypireyðurin" og Kinnarfjöllin í baksýn.


Hvalræðismenn að störfum


Starfsfólk hvalasafnsins og gestir við risavaxinn sporðinn.