Fréttir Norðursiglingar

Á mánudagskvöldið fór hluti starfsfólks Norður-Siglingar og Hvalasafnsins í óvissuferð um Skjálfanda.

Siglt var út að Lundey á Hauknum og ankeri kastað við eyjuna. Þvínæst var liðið ferjað á gúmmíbátum upp í eyjuna og hún klifin. Gengið var norður að vita þar sem menn sleiktu sólskinið um stund og nutu útsýnisins yfir spegilsléttan Skjálfandann.

Þegar aftur var komið um borð í Hauk fóru sumir að veiða, aðrir fóru að leika sér á gúmmíbátunum eða slappa af um borð. Fljótlega var svo fírað upp í grillinu og ýmislegt grillað, m.a. nýveiddur fiskur. Fólk lá svo og naut lífsins fram eftir kvöldi og komið var aftur til Húsavíkur með hamingjusaman hóp rétt eftir lágnættið.

HH



Haukurinn liggur við ankeri í logninu.


Hluti hópsins við Lundeyjarvita. Talið frá vinstri: Elsa María, Viggi, Heimir, Þórunn, Hildur, Rúnar, Ragnheiður, Hilmar Valur, Kristrún Anna, Elva, Helga, Inga Lára, Þórdís Edda, Sólveig Anna, Sigga, Eygló, Katrine, María Rakel og Tinna.


Helga með allt á hreinu.


Elke og Elva


Það var glatt á hjalla á Hauknum.


Og ekki var sólarlagið ljótt þegar siglt var inn til Húsavíkur rétt eftir lágnættið.