Fréttir Norðursiglingar

Töluverð hefur verið að gera í Flateyjarsiglingum með ferðafólk það sem af er sumri hjá Norður-Siglingu. Nú á dögunum fór m.a. ákaflega hress hópur norrænna íþróttakennara sem voru á vikunámskeiði á Húsavík.

Gríðarlegt fjör var í ferðinni og ekki skemmdi fyrir stórkostleg hnúfubakasýning á leiðinni í Flatey.

Norður-Sigling vill þakka þessum skemmtilega hóp fyrir samsiglinguna. En látum nú myndirnar tala sínu máli.

HH



Það var þéttsetinn bekkurinn á útstíminu en harmonikkur og gítarar spiluðu stórt hlutverk um borð.


Eftir skoðunarferð um eyna var grillað ofan í 70 sársvanga íþróttakennarana.


Harðsnúið lið grillara, fv. Helga, Sigga, Heimir, Hörður og Þórunn.


Bryggjuballi var svo slegið upp á gömlu bryggjunni.


Og hlómsveitin var hin besta.


Hópurinn við hlið Náttfara við brottför aftur til Húsavíkur.