Fréttir Norðursiglingar

Sólin laðar fram bros á varir okkar og hún virðist hafa þessi sömu áhrif á hvalina. Veðursælt hefur verið á Húsavík í vikunni og virðast hvalir Skjálfanda njóta þess jafn vel og við tvífætlingarnir.

Ungur sóldýrkandi kom svamlandi að Knerrinum á fimmtudaginn 14. júlí – á þjóðhátíðardegi Frakka. Þessi litla forvitna hrefna virti ferðamennina vel fyrir sér, synti nokkra hringi í kringum bátinn og rétt áður en hún stakk sér aftur í djúpið heyrðist hún hrópa með frönskum hreim "Frelsi – Jafnrétti – Bræðralag!".

Elsa María leiðsögukona náði nokkrum myndum af þessari byltingarsinnuðu hrefnu.

EMJ



Hrefnan stillti sér upp fyrir ferðamenn...


... og horfði sjálf á þá góða stund.


Svo svamlaði hún í makindum sínum í kringum Knörrinn.


"Frelsi - Jafnrétti - Bræðralag!" hrópaði hún og þar með var hún horfin.