Fréttir Norðursiglingar

Stemningin um borð í Knerrinum sl. miðvikudag var engri lík og rómantík í anda miðalda lá í loftinu.

Átta spænskir verkfræðinemar frá Valencia eru á hringferð um landið og vekja eftirtekt hvar sem þeir koma með eftirminnilegri framkomu. Þeir klæðast spænskum þjóðbúningum og syngja hverjum sem heyra vill spænsk þjóðlög um ástir og söknuð. Þeir eru afar hæfileikaríkir tónlistarmenn og leika undir á alls kyns strengjahljóðfæri eins og gítar, mandólín og lútu.

Það var starfsfólki Norður-Siglingar og öðrum ferðamönnum sönn ánægja að sigla með þessa ungu herramenn um flóann sem sungu svo fagurt að undir tók í Kinnafjöllunum. Svo virðist sem hvalir séu líka mikið fyrir ástarsöngva og rómantík því ferðin reyndist einstaklega árangursík.

EMJ



Ferðamenn fengu hlýjar móttökur Spánverjanna þegar þeir gengu um borð í Knörrinn snemma á miðvikudagsmorgun.


Elsa María leiðsögukona hlýðir á spænska ástarsöngva.


Og það var sungið frá hjartanu.


Óbreyttir ferðamenn fylgdust hugfangnir með.


Að lokinni ferð fékk leiðsögukonan að stilla sér upp með nokkrum kavalíerunum.