Fréttir Norðursiglingar

Ferð sem nefnist "Hvalir, Lundar og Segl" hefur nú í sumar slegið rækilega í gegn. Nú er boðið upp á tvær siglingar á dag, þ.e. klukkan 09:30 og 17:00. Ferðin hefur eins og nafnið gefur til kynna 3 megin markmið, eða hvalaskoðun, lundaskoðun og svo eru dregin upp segl og siglt án vélarafls þegar byrlega blæs.

Að hinni hefðbundnu hvalaskoðunarferð Norður-Siglingar ólastaðri er þessi ferð flottasta ferð Norður-Siglingar en meira er lagt í veitingar og skjólfatnað auk þess sem það er einstök upplifun að sigla seglum þöndum á einu skonnortu Íslands.

Meðfylgjandi myndir voru teknar í einni slíkri ferð á dögunum.

HH



Rómantíkin blómstrar undir þöndum seglum.


Undir fullum seglum í góðum vindi gengur Haukurinn allt að 10 sjómílum. Þarna var létt gola og gekk báturinn án vélarafls um 4-5 mílur.


Fáni Norður-Siglingar blaktir og seglin eru þanin.


Siglt er að Lundey í ferðinni...


...og íbúarnir skoðaðir.