Fréttir Norðursiglingar

Ferðin Hvalir lundar og segl hefur slegið rækilega í gegn og var umtalsverð aukning á þeim sem kusu þessa glæsilegu ferð fram yfir hefðbundu og ódýrari ferðina.

Hlutfall Íslendinga var ennfremur nokkuð hærra í þessari ferð og er það ánægjulegt.

Nú nýlega lauk reglubundnum siglingum á Hauknum í þessa ferð, aðallega vegna þess að Lundinn, einn af hápunktum ferðarinnar yfirgefur Lundey um þetta leyti.

Nils B. Hailer sem hefur leiðsagt þessar ferðir í sumar með miklum tilþrifum átti ekki neinum vandræðum með að stjórna fagnaðarbylgju sem gekk frá stefni og aftur í skut í síðustu ferðunum, en jafnan er frábær stemning um borð í Hauknum í þessum ferðum.

Næsta stórverkefni Hauksins er svo mjög spennandi þar sem ráðgert er að sigla honum til Reykjavíkur í byrjun September þar sem hann verður leigður út í tengslum við Sjávarútvegssýninguna.

HH





Jafnan hefur verið gríðargóð stemning í þessari glæsilegu ferð og ekki var síðasti dagurinn nein undantekning.


Nils B. Hailer, þreyttur en ánægður í lok vertíðar, en bæði er það mjög krefjandi og gefandi að leiðsegja þessar ferðir þar sem mikið er að gerast í 4 klukkutíma.


Farþegarnir fara ánægðir frá borði.