Fréttir Norðursiglingar

Nú rétt í þessu voru að berast þær fréttir af flóanum að reynsluboltarnir m/b Knörrinn og H/r Hrólfur Þórhallsson fundu feyknastóra Langreyði og sýndu gestum sínum. Reyndar mun það hafa verið hinn bráðefnilegi leiðsögumaður Hilmar Valur Gunnarsson sem sá hvalinn fyrstur manna.

Langreyður er næst stærsta dýr veraldar, verður allt að 80 tonnum á þyngd og um 25 metrar á lengd.

Annars hefur hvalaskoðun á flóanum gengið mjög vel undanfarið og mikið verið að gera þó verulega sé nú liðið á vertíðina.

HH



Langreyði svipar mjög til Hrafnreyðar (Hrefnu) enda tilheyra báðir hvalir Reyðarhvalaætt ásamt td. Steypireyðum, sandreyðum og Hnúfubökum.


Langreyður með Bríkina og Flateyjardal í baksýn.


Skyldi það vera gullpeningurinn sem settur var undir mastur Knarrarins fyrir um 42 árum sem færir honum alla þessu gæfu? Knörrinn - líklega besti hvalaskoðunarbátur í heimi.