Fréttir Norðursiglingar

Eftir nokkra stormasama daga var loks hægt að fara á sjó aftur og í gær, og síðan þá hefur verið mikið líf á flóanum. Í ferðum Norður-Siglingar í dag hafa sést hnúfubakar, hrefnur og höfrungar og meira að segja sást glitta í hnísur í einni ferðinni ... sannkölluð hvalaveisla hér á Skjálfanda í lok ágúst.

Myndirnar hér að neðan voru teknar af Þórunni Harðardóttur, sem siglir ýmist með Norður-Siglingu sem skipstjóri, vélstóri eða leiðsögumaður.

KK



Hnúfubakur klukkan 12!


Eins og sést er haustið farið að láta sjá sig hérna fyrir norðan og fjallstopparnir snæviþaktir.


Hnúfubakur með Húsavíkurbæ og haustleg fjöll í baksýn.


Hnúfubakarnir hafa verið einstaklega gæfir og sést vel í ferðunum s.l. daga