Fréttir Norðursiglingar

Nú fyrir skömmu hélt Norður-Sigling sína árlegu árshátíð og mættu um 30 manns í óvissuferð sem skipulögð var af skemmtinefnd fyrirtæksins.

Lagt var af stað í úrhellisrigningu en sem betur fer dró úr ofankomunni áður en fyrsta áfangastað var náð. Kom sá áfangastaður mörgum skemmtilega á óvart þar sem allir sem vildu voru settir á hestbak hjá því vinalega fólki á Torfunesi. Átján manns fóru svo ríðandi sem leið lá inn í Fellsskóg þar sem beið þeirra grillveisla í sumarhúsi sem staðsett er í skóginum. Þeir sem ekki treystu sér á bak fóru og skoðuðu Samgönguminjasafnið á Ysta-Felli sem hefur að geyma einstakan fróðleik um samgöngur fyrri alda.

Þegar allir höfðu fengið nægju sína af grillmat og meðlæti hélt gamanið áfram bæði utan sem innandyra.

Myndirnar segja meira en 1000 orð...

KK



Þórunn, Hildur og Sólveig stórglæsilegar hestagellur!


Nils komst að því að hesturinn er besti vinur mannsins, en ekki hundurinn....


Hilla ákvað að skella sér á bak í fyrsta skipti í mörg ár og stóð sig eins og hetja.


Hrólfur tók sig einstaklega vel út á baki.


Skrifstofunni er aldrei lokað þó að starfsfólk geri sér glaðan dag. Sigga samviskusöm að taka á móti bókunum fyrir næsta dag.