Fréttir Norðursiglingar

Frá og með deginum í dag fækkar ferðum Norður-Siglingar í eina á dag, kl: 13:30 og helst sú áætlun til 20. september.

Þrátt fyrir að farið sé að hausta hér fyrir norðan hefur gengið vel að sjá hvali síðastliðnar vikur og í gær sáust t.d. hnúfubakar, hrefnur, hnísur og höfrungar.

Í dag er fallegt veður og bjart og viðrar ágætlega til hvalaskoðunar þrátt fyrir svolítinn kulda í lofti. Það er því um að gera að búa sig vel fyrir siglinguna þar sem mun kaldara er úti á sjó heldur en í landi.

Einstaklega fallegt er að sigla um Skjálfanda í björtu haustveðri með snæviþakin Kinnafjöllin í bakgrunninn eins og sjá má á myndunum hér fyrir neðan.

KK