Fréttir Norðursiglingar

Misjafnlega hefur viðrað til hvalaskoðunar á Skjálfanda í September og dagar fallið úr. Inn á milli hafa þó komið afbragðsgóðir dagar með blíðuveðri og hefur hvalasýn undantekningarlítið verið góð.

Nú í dag fór Bjössi Sör á miðinn með nokkurn hóp ferðamanna í logni og fallegu veðri. Höfrungar sáust sem og hrefna sem lék sér dágóða stund við bátinn, eða kom í svokallaða "botnsskoðun", en þá er það spurningin hver skoðar hvern.

Þótt hefðbundin áætlun sé nú á enda, er vel möguleiki á því að sigla með smærri sem stærri hópa og hvetjum við fólk eindregið til að hafa samband ef það er á svæðinu og athuga hvort eitthvað sé á döfinni.

HH



Hrefnurnar geta verið forvitnar og koma stundum nálægt bátunum og ná þá jafnvel augnsambandi við farþegana.