Fréttir Norðursiglingar

Hvalaskoðunarvertíðin á Húsavík er nú senn á enda. Formlegri áætlun lauk 20. september en eftir það var siglt með nokkra sérhópa. Þó er enn beðið eftir að viðri vel til siglingar með skólakrakka úr Borgarhólsskóla, en það er nú árlegur viðburður að sigla yfir flóann með 8. 9. & 10. bekk og taka þar land. Við vonum að veður gefi til þessara siglingar á næstu dögum.

Þar sem mikið er um að vera hjá Norður-Siglingu yfir sumartímann, er veturinn sá tími sem notaður er í mikilvæg verkefni, s.s. viðhald báta, samningagerð, ýmis samstarfsverkefni með ferðaþjónustuaðilum úr nágrenninu, þjálfun starfsfólks t.a.m. björgunar og öryggisnámskeið, útgáfu bæklinga, uppfærslu vefsíðunnar og margt fleira....

Yfir vetrartímann starfa hjá fyrirtækinu 6 manns í fullu starfi og um 4 í hlutastörfum, það er því nóg um að vera þó að engir hvalir séu á flóanum til að sýna.

Nánari annáll verður gefinn út fyrir árið 2005 innan fárra mánaða og verður hann aðgengilegur hér á síðunni.

Myndirnar hér fyrir neðan eru brot af starfseminni í sumar

KK